شباب اليوم لفت نظري ماعز الحو وحبيت ابدي راييء في الموضوع بخصوص البيور منها والمهجن. البيور معروف اشكالهن لكن بركز على المهجن!!! ليش الاغلبيه يتغاضى او ما يريد يعترف ان المعز اللي عنده مهجنات؟ خاصة معز الحو اللي اشكالهن صلاليات. المتعارف عليه في البيور او في أي صنف الشكل لازم يكون موحد..صح!!!
لكن اللي اشكال اذانهن صلاليات وقت البيعه يقولك ماعز حو ويسكت…نريد توثيق وموضوع مثبت يبين اشكال الحو البيور علشان ما يتم الخلط بينها. المشكله في الاذن….هل اللي اشكالهن صلاليات هن البيور ام اللي اذانهن طايحه.
ياليت نوصل لحل لان فعلا مشكله اللي يهجن بصلالي ويقول هذا حو!!!!…علشان الاعضاء الجدد او أي واحد يفكر ينتقى هالسلاله يعرف شو يختار. واترك لكم باقي الموضوع وابداء ارائكم.
الصور تبين الفرق
بغض النظر عن الصورتين اذا تتكلم عن اللون فكلهن لون الحو ، وان كان مقصدك حو الدار فهو اقرب لحلال الجبل الأخضر ( الجامودي) بس اصغر في الحجم (يمكن لقلت الكلأ وصعوبة التبادل لتغيير الدم ) ومن بصرت ما شفت في هيئته ملاسة شعر ولا الشكل الاسطواني الا في تصنيف مشاركات المنتديات، هذا كلامي بالنسبة لمنطقتنا ( فلج المعلا/ام القيوين) ويمكن في مواصفات غير في المناطق الاخرى في البلاد والله اعلم
اولا اشكرك اخوي ع طرح الموضوع القيم
والاهم بدخل في الموضوع شوي ومابطيل
حلال الدار بشكل عام ولا اخص الحو
الاذن تكون مختلفة الاشكال
متها الهدله ومنها (الصمعه ومنها الاطم)
بس ما الاختلاف بين حلال الدار وحلال الاخر
مثال لو تبا تعرف ان العنز مهجنه او تقدر تقول شبه مهجن
بنرمس عن الاذن لو كانت الاذن هدله طبيعي موب مبالغ فيها مثل العوارض و البكستاني ومتناسقه في نضرك فعلم انها بيور والله يعلم
وفي القرن
لو كانت العنز مقرنه او ايمه وشكلها متناسق بعيد عن شكل قرون البكستاني او اي نوع اخر فعلم انها بيور والله يعلم
في الذيل ماشوف في اختلاف كبير كان ملتف او ع فوق لان هذا من جماليات الحلال فقط
وكان عن الشعر يكون شبه املس او مشعر او حتى املس
لكن لو بالغ في الملاسة الله يعلم يمكن مهجن لان حلال الدار دوم يكون شعراني عند البدو وعند واهل اليبال شبه شعراني او ملاسه عاديه
وعن الحجم يكون متوسط لاعملاق واقصد يطوف حجم البكستاني او يقل بشوي لان وزن عنز حلال الدار لا يعدي 35 وع حسب الكرم
والفحل 45 وع حسب الكرم
وهذا الي عندي من مداخله وسموحة ع الاطالة
اخوكم بو خالد
موضوع طيب وأشكر الاخ بوظبي على فتح الباب للنقاش كما أشكر الاخ بوخالد الذي ماقصر وبادر بطرح وشرح رأية والذي ينم على خبرة واسعة في هذا الموضوع وهو وبلاشك من أقدر الأعضاء على تصنيف الحو .
أما بالنسبة لرأي الشخصي والذي لا أصر عليه فإن الحو لقب يطلق على نوع من الماعز المحلي له حوه ( لون ) مميز من منابت القرون وحتى يغطي البطن وحتى أسفل الذيل وعلى درجات من القوة والوضوح والشعر خفيف جدا وليس بأملس ويكون أكثف إن وجد على القوايم والفطحة اما الضلوف فصغيرة ودقيقة وأقرب ماتكون من ضلف الوعل العربي ولا تنمو بشكل ملفت ولا تحتاج لعناية اما الحجم فالغالب عليه الصغر ولكن اكبر من الماعز الصلالي . أما بالنسبة للأذن فهي متوسطة الحجم وبها تحكم كامل من قبل الحو يعني يمكن ان تراها ساقطة أو منتصبة وهي تشبه أذن الغزال البري هذا ولكن أصغر قليلاً والله أعلم . وآسف على الاطالة وتقبلوا تحياتي .
واسألتي المحيره اترك جوابها لكم: هل للحو تاريخ معين ؟ وهل هو فقط مقتصر على هل الأمارات ؟ اذا كان من سلاله نقيه في السابق!! ليش هالاختلاف الجذري اللي نلاحظه وكثرة الالوان من منطقه لمنطقه؟ هل السبب هو اختلاطه بالعارضي في الغرب؟ والصلالي في الشرق؟ ما هي النتيجه النهائيه للتوصل لماعز متناسق في الحجم والشكل والضرع وانتاجيته للحليب بكميه كبيره؟ مثل ما نشوف الماعز الأوروبي
المشاركة الأصلية كتبت بواسطة الكعبي84 
الله يبارك فيك الكعبي على هالمعلومات القيمه وتوضيحك لبعض النقاط.